Plantun de Prouvènço

Pèr coumpara dos planto d'encò nostre

Fissidens dubius & Sideritis hyssopifolia

Fissidens dubius

Fissidentaceae

Nom en français : Fissident crête-de-coq.

Descripcioun :
Aquelo mousso dóu gènre Fissidens (peristome divisa, vèire li fotò) trachis sus li roco cauquiero e de cop que i'a au sòu. Es uno mousso pulèu pichoto auto de 1 à 3 cm. Fai partido dóu group qu'a ges de lòngui celulo sus lou bord de la fueio (fotò), pamens se vèi bèn uno bando de 3 à 4 cellulo pu claro. Se recounèis tambèn à sa pouncho de fueio emé un benc e que la costo s'acabo just avans lou bout (fotò). Es couneigudo pèr pas faire trop d'espouroufite, pamens sèmblo pas trop lou cas au nostre.

Usanço :
Se pòu counfoundre emé d'àutri meno dóu meme gènre subretout Fissidens taxifolius qu'a pas lou bout de fueio denta d'un biais irregulié e peréu que la costo vai fin qu'au bout dóu bènc (de vèire au microuscope).

Port : Acroucarpo
Taio : 1 à 3 cm
Fueio : 1,5 à 3 mm
Tipe bioulougico :
Cicle bioulougico : Planto renadivo

Gènre : Fissidens
Famiho : Fissidentaceae

Ordre : Dicranales

Coulour de la flour :
Petalo : 0,2 à 0,8 cm
Ø (o loungour) flour : Divisa
Flourido : Printèms Ivèr

Sòu : Ca
Autour basso e auto : 50 à 2000 m
Aparado : Noun
Mars à abriéu

Liò : Roco - Sòu
Estànci : Mesoumediterran à Subaupen
Couroulougi : Mieterrano e Oulartico
Ref. sc. : Fissidens dubius P.Beauv., 1805

Bouano-bruisso

Sideritis hyssopifolia

Lamiaceae Labiaceae

Nom en français : Crapaudine des Alpes.

Descripcioun :
La bouano-bruisso èi devengudo pulèu raro au nostre. Se pòu pamens rescountra dins quàuqui relarg de basso Prouvènço e dis Aup marino sus li cresten, li roucaio e li roucas. Es uno planto que trachis en pichot bouissoun emé de tijo lignouso, l'enflourejado douno d'èr à-n-espigo.

Usanço :
Èro ramassado e servié pèr faire de tè. Se prenié en tisano subretout pèr se desembrounca.

Port : Erbo
Taio : 5 à 60 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Sideritis
Famiho : Lamiaceae
Famiho classico : Labiaceae

Ordre : Lamiales

Coulour de la flour : Jauno
Petalo : irreguliero
Ø (o loungour) flour : 7 à 10 mm
Flourido : Estiéu

Sòu : Ca
Autour basso e auto : 200 à 2300 m
Aparado : Noun
Juilet à setèmbre

Liò : Cresten - Roucas - Roucaio - Tepiero seco
Estànci : Subremediterran à Subaupen
Couroulougi : Ouroufito-Ouèst-Euroupenco
Ref. sc. : Sideritis hyssopifolia L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Fissidens dubius & Sideritis hyssopifolia

CCC

Coumpara Mousso-divisado-doutouso emé uno autro planto

Coumpara Bouano-bruisso emé uno autro planto